لعينيك
شو هالحلى
تلال مرسومة
بريشة الوديان
جبال بقبوعة سنديان
بساط تــــــــــــــــلج
بيكتب الريح فيه سطور
بسنسلة العنب
نبيد و قرامي حطب
شو هالحلى اللي الله هداك اياه
من أحلى صلى
عيونك البحر
بيوم هب الريح
بيغفى ع جدولة و نهد
و بيفيق ع همسة بحلم
حلم حجار ملونة
و مباركة
ببيوت عربشت ع شجار
ورد و عوزلان
..شو هالحلى
بمشوار نتغزّل سوى
و دروب إلفت ع الدلع
و شب و صبية تدرّجوا
ع درب تنورين
و ختيار حنّ لماضي العشق
بباب الهوى .
مسك الشمس
و كحل عيونا بغيمة خير
بكمشة حب
بلمسة
بهمسة
و ما ضل ليوم القمر
غير شوية وقت
و أفكار بردانة
و غيوم مكتوبة
من صيف .. لشتا
..شو هالحلى
متل الوعد
ايام منقوشة بدهب
لا تغيرت و لا غيّرت
من يوم كنا ولاد
و اطفال و صبا
أيام منقوشة بدهب
و شعر فلتان
مع نسمة هوى
.....شو هالحلى
و الرب اسمو مباركك
بجراس و تلاوين
و قربان من تنور
ليوم الأحد
و صلبان للرهبان
ع بواب الحجر
شهدت لمارينا
و جبل بكنيسة سما
...شو هالحلى
شو هالحلى و سهرات
لكوانين و حبال المطر
ع سطوح تراب و
سواميك
خلّت تمز زيتون
للموقد يرسم دفا
..
شو هالحلى
مهيب ملوحي. كاليفورنيا